მისი უწმინდესობა პაპი პეტრე III
მისი უწმინდესობა პაპი პეტრე III, De Glória Ecclésiæ (22-4-2016 -დან დღემდე)
საერო სახელი – მარკუს ჯოზეფ ოდერმატი, შემდგომში ეპისკოპოსი მამა ელისეო მარი. დაიბადა შვეიცარიაში, ნიდვალდენში, სტანსში. მეთხუთმეტე საუკუნის განდეგილის, წმინდა ნიკოლოზ ფლუელის, შთამომავალი, რომელსაც შვეიცარიაში თაყვანს სცემენ, როგორც ქვეყნის მამას, რომლის ერთადერთი საზრდო ოცი წლის განმავლობაში წმიდა ზიარება იყო და რომელმაც მოახერხა თავისი ქვეყნის გათავისუფლება დამღუპველი სამოქალაქო ომისგან, ასევე სასწაულებრივად დაეხმარა შვეიცარიას, თავი აერიდებინა პირველი და მეორე მსოფლიო ომისგან. ნიდვალდენის კანტონის დროშაზე გამოსახულია ზეციური სასუფევლის გასაღებების პაპის ემბლემა მისი მფარველის, წმინდა პეტრე მოციქულის, პატივსაცემად. ეპისკოპოსი მამა ელისეო მარი შეუერთდა წმინდა ხატების კარმელიტების ორდენს 1985 წელს; თვრამეტი წლის განმავლობაში იგი სამხრეთ ამერიკაში მისიონერი იყო, 2011- 2016 წწ კი თითქმის 5 წლის განმავლობაში სახელმწიფო მდივნად მსახურობდა. პაპმა პეტრე III-მ შეინარჩუნა პალმარის წმინდა კვირის ახალი კალენდარი, რომელიც, შესაბამისად, იწყება 20 მარტს და მთავრდება აღდგომის კვირის ხსენებით, 27 მარტს. 25 მარტი ანუ დღე, როდესაც ჩვენი უფალი იესო ქრისტე გარდაიცვალა, ყოველთვის იქნება დიდი პარასკევის ხსენების დღე, კვირის რა დღესაც არ უნდა დაემთხვას იგი. საყოველთაო განდგომის სამყაროში, მისი უწმინდესობა პაპი პეტრე III, როგორც ჩვენი სულების მწყემსი კეთილი, თავისი სამოციქულო წერილების მეშვეობით, გაბედულად იცავს და აცხადებს წმინდა მოძღვრებასა და მორალს, რითიც ებრძვის შეცდომას და სხვა მორალურ გადაგვარებას.
მისი უწმინდესობის, პაპი პეტრე III-ის სამოციქულო მოგზაურობა
2018 წ მაისში მისი უწმინდესობის, პაპი პეტრე III-ის ვიზიტი შეერთებულ შტატებში
მისი უწმინდესობის, პაპი პეტრე III-ის ეს ვიზიტი განხორციელდა ევქარისტიის, მარიანისა და ჟოზეფინას კონგრესში მონაწილეობის მიღების მიზნით, რაც თავისთავად დიდი წარმატება იყო. პალმარიელი მორწმუნეები დიდი თავდადებითა და ღვთისმოსაობით ესწრებოდნენ ამ ყრილობას. კონგრესზე მისი უწმინდესობა, სხვა საკითხებთან ერთად, ესაუბრა მორწმუნეებს სულიერი ლიტერატურის კითხვის მნიშვნელობის შესახებ, რაც ასოდენ მნიშვნელოვანია სიწმინდის მისაღწევად. მან ასევე ისაუბრა რელიგიური მოწოდებების აუცილებლობაზე.
პირველად კათოლიკური ეკლესიის ისტორიაში ლიმბოს სულების პატივსაცემად საკურთხეველი გაკეთდა. წმინდა მსვლელობისას, ყოვლადწმიდა ღვთისმშობლისა მარიამისა და ყოვლადწმინდა იოსების გამოსახულებებით, წმინდა მამა პეტრე III შეჩერდა ამ საკურთხევლის წინაშე და ყველა დამსწრემ ილოცა ამ სულებზე. ანალოგიურად, მომზადდა საკურთხეველი სპეციალურად განსაწმენდელში სულების პატივსაცემად და იქ იკითხებოდა შესაბამისი ლოცვები ამ საბრალო სულების ტანჯვის შესამსუბუქებლად.
შეერთებულ შთატებში ევქარისტიის, მარიანისა და ჟოზეფინას კონგრესის ფოტოები
მისი უწმინდესობის პაპი პეტრე III-ის ვიზიტი სამხრეთ გერმანიაში, 2018წ. აგვისტო
მისი უწმინდესობის პეტრე III-ის გერმანიაში 2018 წ აგვისტოს ქადაგების მოკლე შინაარსი
წმინდა მამამ ამ ქადაგებაში ისაუბრა თავის მწუხარებაზე, რომელიც გამოწვეულია, სხვა საკითხებთან ერთად, ახალგაზრდებითა და მათი განდგომის საშიშროებით. განდგომა არ ხდება ერთ დღეში, ამას შეიძლება კვირები ან თვეები დასჭირდეს.
